0 
0 
અમદાવાદ શહેરમાં ગુરુવારે મોડી સાંજે વાતાવરણમાં અચાનક પલટો આવતાં મણિનગર, કાંકરિયા, ગીતામંદિર અને આશ્રમ રોડ સહિતના વિસ્તારોમાં ધીમી ધારે વરસાદી ઝાપટાં પડ્યા હતા. હવામાન વિભાગના જણાવ્યા અનુસાર સ્થાનિક સ્તરે સર્જાયેલી સિસ્ટમને કારણે વાતાવરણ બદલાતાં શહેરીજનોને ગરમીમાંથી રાહત મળી હતી. જોકે, આ જ સમયે વડાપ્રધાન નરેન્દ્ર મોદીના જન્મદિવસ નિમિત્તે કાંકરિયા પરિસરમાં આયોજિત ભવ્ય ‘દીપોત્સવ’ કાર્યક્રમમાં વરસાદને કારણે ક્ષણિક વિઘ્ન સર્જાયું હતું અને શરૂઆતમાં દીવડાઓ પલળી જતાં આયોજકો તથા ભાગ લેવા પહોંચેલા લોકોમાં નિરાશા જોવા મળી હતી. જોકે, વરસાદ રોકાતાં જ કાર્યકરો અને સ્વયંસેવકોએ તાત્કાલિક ધોરણે ફરીથી મહેનત હાથ ધરીને સમગ્ર પરિસરને દીવડાઓથી ઝળહળતું કરી દીધું હતું. આયોજકો દ્વારા કાંકરિયા તળાવની ફરતે અંદાજે સવા લાખ જેટલા દીવડાઓ પ્રગટાવવામાં આવ્યા હોવાનો દાવો કરાયો છે. આ રીતે અચાનક આવેલા વરસાદી વિઘ્ન છતાં સ્વયંસેવકોની ત્વરિત કામગીરી અને મહેનતના પરિણામે વડાપ્રધાનના જન્મદિવસની ઉજવણીનો આ દીપોત્સવ કાર્યક્રમ અંતે ખૂબ જ ઉત્સાહભેર અને સફળતાપૂર્વક સંપન્ન થયો હતો.
– AANDHINEWS
About the Author
